Haukdælabraut 18

Nýtt á skrá! Haukdælabraut 18 Reykjavík - Eignin er eingöngu sýnd í einkasýningum (heimir@fastlind.is)

Lind fasteignasala / Heimir Hallgrímsson lögg. fasteignasali kynnir glæsilegt 7 herbergja 296,4 fermetra einbýlishús á tveimur hæðum við Haukdælabraut 18 í Reykjavík. Eignin skiptist í 177,3 fermetra efri hæð, 82,0 fermetra neðri hæð og stóran 37,1 fermetra bílskúr, samtals 296,4 fermetrar að stærð. Auka íbúð er á neðri hæð með sérinngangi sem er 60,0 fermetrar að stærð með forstofu, alrými sem er opið við eldhús, svefnherbergi og baðherbergi með aðstöðu fyrir þvottavél og þurrkara. Þrjú svefnherbergi eru á efri hæð hússins en auðvelt er að breyta sjónvarpsherbergi í fjórða svefnherbergið. Innanhúshönnun var í höndum Halla Friðgeirs. 

Um er að ræða afar vel staðsett hús með glæsilegu útsýni í rólegu fjölskylduhverfi í lokuðum botlanga við Haukdælabraut í Reykjavík. Húsið er afar glæsilegt með mikilli lofthæð, stórum gluggum og vönduðum sérsmíðuðum innréttingum og gólfefnum. Allt efnisval, sérsmíði og tæki hússins eru í hæsta gæðaflokki. Allar innréttingar (líka í aukaíbúð) eru sérsmíðaðar hjá Heggi smíðaverkstæði. Gólfhiti er í öllu húsinu. Stórar yfirbyggðar svalir liggja út frá stofu með fallegu útsýni að Esjunni og Úlfarsfelli.

Aðalhæðin (efri hæð): Er vel skipulögð með stórum alrýmum og útgengi á rúmgóðar svalir með afar fallegu útsýni og stóra verönd til suðvesturs. Niðurtekin loft að hluta og innfelld lýsing í loftum. Fallegt útsýni er úr alrými efri hæðar. Glæsileg eldhúsinnrétting úr reyktri eik og steinn á borðum og eldhúseyju. Hjónasvíta með stóru fataherbergi og baðherbergi, 2 svefnherbergi, sjónvarpsstofa og baðherbergi.

Neðri hæð: Komið er inn í stóra forstofu með miklu skápaplássi og gestasalerni. Stórt hol þar sem gengið er upp fallegan steyptan stiga með stál handirði. Innangengt þaðan inn í bílskúr og auka íbúð. Auka íbúð er 60,0 fermetrar og er öll með sérsmíðuðum innréttingum frá Heggi smíðaverkstæði. 

Lóðin er 702,0 fermetrar að stærð og er afgirt að hluta með steyptum veggjum. Bílastæði með hellulagðri stétt og snjóbræðslu. Lagnir fyrir heitum potti sunnan megin við húsið. Falleg en viðhaldslítil lóð.

Nánari lýsing:
Neðri hæð: 
Forstofa: Er stór með flísum á gólfum og miklu skápaplássi.
Gestasalerni: Með flísum á gólfi og hluta veggja. Upphengt salerni, vaskur og speglaskápur. Gluggi til norðvesturs.
Bílskúr: Er stór, eða 37,1 fermetrar, með epoxy á gólfi. Vinnuborð, vaskur og gluggar til norðausturs.

Auka íbúð: Með sérinngangi (einnig innangengt inn í forstofu).
Forstofa: Með flísum á gólfi, góðum skápum og panel vegg úr reyktri eik.
Stofa: Er rúmgóð og opin við eldhús. Flísar á gólfi. Rúmar setustofu og borðstofu. Gluggar til norðvesturs og suðvesturs. Útgengi á verönd.
Eldhús I: Með flísum á gólfi og sérsmíðuðu eldhúsi úr reyktri eik með steini á borðum frá Heggi smíðaverkstæði. AEG stál bakaraofn og AEG spansuðu helluborð. Innb. kæliskápur með frysti.
Svefnherbergi I: Með flísum á gólfi, skápum og glugga til suðvesturs.
Baðherbergi I: Með flísum á gólfi og hluta veggja. Sérsmíðuð innrétting við vask með steini á borði. Flísalögð sturta með glerþili og innb. Axor blöndunartækjum. Upphengt salerni, tengi fyrir þvottavél og þurrkara inn í innréttingu og góðir skápar.

Aðalhæð: Gengið upp steyptan teppalagðan stiga með mikilli lofthæð.
Hol: Með gegnheilu parketi á gólfi, gólfsíðum gluggum og útgengi á stórar svalir.
Svalir: Eru stórar og yfirbyggðar með glæsilegu útsýni. Innf. ljós í svalalofti og rafmagnshitun.
Stofa: Er stór með gegnheilu parketi á gólfi. Rúmar vel setustofu og borðstofu. Aukin lofthæð og opin við eldhús. Innf. lýsing í loftum og fallegur panelklæddur arinn úr reyktri eik. Stórir gluggar til norðvesturs með glæsilegu útsýni. Gólfsíðir gluggar til suðvesturs með útgengi á skjólgóðan bakgarð/verönd.
Eldhús II: Er stórt með gegnheilu parketi á gólfi og glæsilegri eldhúsinnréttingu úr reyktri eik og steini á borðum og eldhúseyju. Vönduð eldhústæki frá Miele, m.a. tveir ofnar, innb. uppþvottavél, spansuðu helluborð, stór innb. tvöfaldur kæliskápur með tveimur frysti skúffum. Niðurtekið loft með innf. lýsingu fyrir ofan eldhúseyju.
Sjónvarpsstofa (möguleiki að breyta í svefnherbergi): Með gegnheilu parketi á gólfi og fallegum panel klæddum vegg úr reyktri eik. Gólfsíðir gluggar til norðvesturs og gluggi til norðausturs. Sérsmíðaðar hillur úr reyktri eik á heilan vegg.
Hjónasvíta (svefnherbergi II): Er stór með gegnheilu parketi á gólfi og rennihurð út í bakgarð/verönd. Gengið beint inn í stórt fataherbergi og baðherbergi II.
Fataherbergi: Er rúmgott með gegnheilu parketi á gólfi og miklum sérsmíðuðum innréttingu. Falleg sérsmíðuð gler rennihurð milli fataherbergis og hjónaherbergis.
Baðherbergi II: Með flísum á gólfi og hluta veggja. Flísalögð sturta með glerþili og innb. Axor blöndunartækjum. Innf. lýsing í lofti. Sérsmíðuð innrétting með steini á borðum við vask. Upphengt innb. salerni og gluggi til suðvesturs.
Svefnherbergi III: Með gegnheilu parketi á gólfi, skápum og glugga til norðausturs.
Svefnherbergi IV: Með gegnheilu parketi á gólfi, skápum og glugga til norðausturs.
Baðherbergi III: Með flísum á gólfi og hluta veggja. Sérsmíðaðar innréttingar með steini á borðum. Flísalögð sturta með glerþili og innb. Axor blöndunartækjum. Upphengt salerni og gluggi til norðasturs.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is