Árkvörn 2

Borg fasteignasala og María Mjöll kynna bjarta 3ja herbergja íbúð við Árkvörn 2 - 76,6 m2.
Vel skipulögð og björt íbúð á efri hæð með sérinngangi af svölum, sem gefur eigninni skemmtilegan sérbýlisblæ. Íbúðin nýtur aukinnar lofthæðar í stofu- og eldhúsrými, sem gerir alrýmið einstaklega bjart og opið. Stórir gluggar á fleiri en eina hlið hleypa inn góðri birtu. Eignin skiptist í tvö rúmgóð svefnherbergi, opið eldhús og stofu, baðherbergi, sér þvottahús innan íbúðar og svalir. Leikskólar og skóli eru í næsta nágrenni auk annarrar þjónustu sem gerir staðsetninguna sérstaklega fjölskylduvæna.

Nánari lýsing:
Forstofa er með flísum á gólfi og fataskáp.
Eldhús er opið inn í stofurými með hvítri innréttingu, góðu skápaplássi og vinnuaðstöðu. Rýmið tengist borðstofu á náttúrulegan hátt og nýtur aukinnar lofthæðar sem eykur birtu.
Stofa og borðstofa mynda alrými með aukinni lofthæð, hallandi lofti og stórum gluggum á fleiri en eina hlið. Úr stofu er útgengt út á svalir, útsýni yfir gróið umhverfi og til fjalla.
Hjónaherbergi er rúmgott með góðu skápaplássi.
Barnaherbergi er bjart og rúmgott með gluggum á tvo vegu sem gefa herberginu góða birtu.
Baðherbergi með flísum á veggjum og gólfi. Þar er baðkar með sturtuaðstöðu,vaskainnrétting, speglaskápur og opnanlegur gluggi.
Rúmgóð geymsla er innan íbúðar með hillum sem nýtist sem þvottahús, tengi fyrir þvottavél og þurrkara.
Sameiginleg geymsla í sameign.

Annað:
- Þak var yfirfarið og tekið í gegn sumarið 2024 (viðhaldsframkvæmdir)
- Hús málað að utan + gluggar og útidyrahurðir 2025
- Árið 2025 var farið í viðgerðir og viðhald á tveimur gluggum og öðrum skipt út. þetta hefur verið gert jafn óðum þegar þörf er á en ekki farið í einhverjar allsherjar framkvæmdir.

Ártúnshverfi er fjölskylduvænt hverfi þar sem öll helsta þjónusta er í þægilegu göngufæri. Leikskólar og skóli er í næsta nágrenni og stutt er í skóla, fallegt útivistarsvæði Elliðaárdals og samgöngur. 

Nánari upplýsingar veitir María Mjöll Guðmundsdóttir Löggiltur fasteignasali, í síma 8663934 eða maria@fastborg.is

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Borg fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi.
3. Umsýslugjald til fasteignasölu skv. kauptilboði.