Miðholt 1

Fasteignasala Þórshafnar kynnir:


 

Miðholt 1
er 106,6 fermetra, björt og vel skipulögð fjögurra herbergja íbúð í steyptu parhúsi, byggðu árið 1989.
Íbúðin skiptist í:
Forstofa,flísar á gólfi og lítið fatahengi, til hægri eru dyr að þvottahúsi og geymslu, dúkur á þvottahúsgólfi en málað gólf í geymslu.
Við gang inn af forstofu er stórt eldhús á hægri hönd, upphafleg innrétting í þokkalegu standi.
Stofa við hlið eldhúss er aðskilin frá gangi með gluggum og hurð en milliveggur milli eldhúss og stofu nær ekki upp í loft. Panelklætt loft í stofu og eldhúsi er tekið upp og fylgir þakhalla. Úr stofu eru dyr að hellulagðri verönd.
Baðherbergi var endurnýjað fyrir níu árum, flísalagt og hiti í gólfi, sturtuhorn með botn í gólfhæð, vegghengt salerni, handklæðaofn og lítil innrétting.
Þrjú svefnherbergi eru samhliða að norðanverðu í íbúðinni, öll með innbyggðum fataskápum og dúk á gólfi. Miðherbergið er lítið en endaherbergin rúmgóð. 
Íbúðin er hituð með vatnsofnum, upprunaleg hitatúba hitar bæði neysluvatn og ofnakerfi.
Köld útigeymsla er undir þakskeggi við hlið inngangs.
Steypt bílastæði er við inngang og á baklóð mynda tré og runnar skjólgott svæði til útivistar.

Fyrir utan endubætur á baðherbergi er íbúðin að mestu upprunaleg, þokkaleg að innan en þarfnast málningar/viðhalds að utan.
 

Nánari upplýsingar veitir Sigurður í síma 8592925 eða tölvupósti srk66@simnet.is
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Þórshafnar hvetur því
væntanlega kaupendur til að kynna sér gaumgæfilega ástand fasteigna fyrir kauptilboðsgerð og leita til þar til bærra fagmanna um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.