Álfaskeið 55

Vorum að fá í sölu virkilega fallegt einbýlishús sem er í heild 213,3 fm að stærð en húsinu er skipt upp í tvær íbúðir sem eru á tveimur fastanúmerum þannig möguleiki er að selja eignina í tveimur hlutum. Þetta fallega hús hefur verið mikið endurnýjað á síðustu árum og bíður upp á mikla möguleika.

Efri hæð: Virkilega falleg og björt 4ra til 5 herbergja 114.4 fm íbúð með glæsilegu útsýni yfir miðbæ Hafnafjarðar. 
Anddyri: Rúmgott anddyri með innbyggðum fataskáp. 
Þvottahús: Endurnýjað 2023. inn af anddyri er þvottahús með fallegum hvítum innréttingum, góðum borðplássi tengi fyrir lítinn ísskáp, þvottavél og þurrkari í vinnuhæð. Góður gluggi með opnanlegu fagi.
Baðherbergi: Vikilega fallegt baðherbergi sem er nýlega búið að endurnýja(2023). Baðherbergið er hannað af Elínu Thor. Innréttingar frá Formus og falleg borðplata með innfeldri handlaug frá Steinlausnum ehf. Flísar frá Harðviðarval og blöndunartæki frá Epson. Walk in sturta með innbyggðum blöndunartækjum, glerskilrúmi og fallegri lýsingu. 
Hjónaherbergi: Fallegt hjónaherbergi með góðum fataskápum sem ná upp í loft Útveggur fyrir aftan hjónaherbergi var þykktur og lagt nýtt raflagnaefni ásamt því að gera ráð fyrir innfeldum rúmgafli. 
Svefnherbergi II: Gott barnaherbergi með fataskáp. Parket á gólfi. Þar sem herbergið er staðsett var upprunalega gert ráð fyrir stigaopi niður á 1.hæð. 
Svefnherbergi II: Gott barnaherbergi með fataskáp. Parket á gólfi.
Stofa:  Björt og stór stofa með glæsilegu útsýni yfir Miðbæ Hafnafjarðar og víðar. Borðstofa og góð setustofa. Á teikningu er gert ráð fyrir svefnherbergi þar sem setustofan/sjónvarpshol er staðsett í dag. 
Svalir:  Búið er að yfirbyggja yfir eldri svalirnar og opna inn í það rými svo það sé góður gangur milli borðstofu og eldhús. Góðar svalir sem voru bætt við eftir á til suðurs þar sem hægt er að njóta útsýnisins. 
Eldhús: Stórt og rúmgott eldhús með fallegri innréttingu, tengi fyrir uppþvottavél, háfur, nýlegur bakarofn (2025), tengi fyrir tvöfaldan ísskáp, tækjaskápur og borðkrókur.

Sameign: Undir stiga er mjög góð sameiginleg geymsla þar sem hitagrindin er staðsett. Hitaveitugrindur endurnýjaðar 2024 og kaldavatnsheimtaug lögð ný inn í sept. 2025.

Neðri hæð: Falleg 98,9 fm 3ja til 4ra hebergja íbúð á 1.hæð 
Anddyri: Sérinngangur, forstofa með fatahengi.
Svefnherbergi:  Inn af anddyri er rúmgott svefnherbergi með góðum fataskáp.
Baðherbergi: Nýlega endurnýjað baðherbergi með góðri walk in sturtu, hvít innrétting og handklæðaofn. Baðherbergið var endurnýjað 2024. 
Hol: Rúmgott hol sem áður var nýtt sem svefnherbergi. Auðvelt að setja upp vegg til þess að útbúa herbergið. 
Svefnherbergi II: Rúmgott svefnherbergi með fataskáp. 
Stofa: Mjög björt stofa og borðstofa með góðum glugga
Eldhús: Falleg hvít eldhúsinnrétting með góðu skápaplássi, tengi fyrir uppþvottavél og bakarofn í vinnuhæð. Innréttingin lýtur vel út og er gott pláss í kringum innréttinguna. Inn af eldhúsi er bakinngangur þar sem er hægt að komast út á timburverönd út í garði. 
Þvottahús: Gott þvottahús með hvítri innréttingu þar sem er pláss fyrir þvottavél og þurrkara í vinnuhæð. Þvottahúsgólf flotað og IKEA innrétting sett upp 2024.

Garðurinn: 
Á lóðinni (631 fm) eru bílastæði fyrir framan hús með hleðslustöð fyrir rafbíla og einnig eru stæði með fram húsinu austan megin en þar á baklóð er möguleiki samkvæmt skipulagi að byggja bílskúr á lóð. Þessir möguleiki er háður leyfi skipulagsyfirvalda. Fyrir framan er mjög sólríkur sólpallur með fallegum gróðri og lítilli tjörn. 
Á baklóð er fallegur garður ásamt ca 10 fm geymsluskúr, búið er að leggja rafmagn að honum og er olíuofn notaður sem kynding. Falleg timburverönd, hellulögð stétt og gras að hluta en svo gengur hraunið inn í lóð að hluta en þar er landið ósnert og engin byggð. 

Húsið hefur verið töluvert endurnýjað á undanförnum árum og liggur nákvæm lýsing á þeim verkum fyrir hjá fasteignasölu.
En þess má geta að frárennslislagnir frá húsi fóðraðar og settur niður brunnur í september 2025. Klóaklagnir í plötu myndaðar 2024. Hitaveitugrind endurnýjuð 2024 og kaldavatnsheimtaug lögð ný inn í sept. 2025. Eignaskiptasamningur er fyrir húsið sem var endurnýjaður 2006.

Þetta er frábært tækifæri til að eignast fallegt sérbýli á grónum og vinsælum stað í Hafnarfirði með sérútleigueiningu. 
Staðsetning er frábær þar sem eignin er í göngufæri við miðbæ Hafnafjarðar, leikskóla, skóla og framhaldskóla.