Búðarmelur 10b

Fallegt og vel skipulagt fimm herbergja raðhús með steyptum palli. Húsið var byggt árið 2021 við Búðarmel á Reyðarfirði. 
Gengið er inn í flísalagða forstofu með stórum fataskáp með rennihurðum. Lúga með stiga er í loftinu og er búið að smíða lítið geymsluloft. Inn af forstofu er flísalögð geymsla með glugga. Í íbúðinni eru fjögur parketlögð svefnherbergi, þar af þrjú með tvöföldum fataskáp og eitt hjónaherbergi með fjórföldum fataskáp. Baðherbergi er mjög rúmgott. Þar er flísalagt í hólf og gólf, upphengt klósett, sturta með gleri og góð innrétting með vaski og stórum speglaskáp. Þá er þar einnig innrétting fyrir þvottavél og þurrkara sem eru í vinnuhæð. Eldhús og stofa eru í opnu, björtu rými með parketi á gólfum. Eldhúsinnrétting lítur mjög vel út og í henni eru ofn og örbylgjuofn í vinnuhæð og innbyggð uppþvottavél. Úr stofurými er gengt á 18fm steyptan pall og í garð. Tveir skjólveggir afmarka svæðið utan íbúðinnar. Undir þakskyggni báðum megin hússins eru led ljós. Innréttingar í eldhúsi og á baðherbergi eru frá Brúnási og allir fataskápar í íbúðinni eru frá IKEA.

Teikningar eru fengnar af heimasíðu Fjarðabyggðar.
Staðsetning er fengin af heimasíðu ja.is.