Álfhólsvegur 149

Trausti fasteignasala og Hallgrímur Hólmsteinsson löggiltur fasteignasali kynna fallega og bjarta 3ja herbergja íbúð með sérinngangi á 2. hæð fjölbýlishúsi við Álfhólsveg 1491 í Kópavogi. Möguleiki er að setja upp íbúð í bílskúrnum, en nú er þar herbergi, sem hentar vel til útleigu. Þvottahús er innan íbúðar. Mikið útsýni er af hæðinni yfir Fossvoginn og Elliðaárvoginn. 

Eignin er skráð alls 103,3 m², þar af er íbúð 77,1m² og bílskúr 26,2 m². Húsið er byggt árið 1976 og eru fjórar íbúðir í húsinu. Húsið er steypt og klætt að hluta að utan. Glæsilegt útsýni frá stórum svölum sem liggja með tveim hliðum, suður og vestur. Stutt er í skóla, leikskóla, framhaldsskóla og alla verslun og þjónustu.
Eignin skiptist í tvö svefnherbergi, forstofu, baðherbergi, þvottahús, eldhús, stofu og borðstofu.

Allar nánari upplýsingar veitir Hallgrímur Hólmsteinsson löggiltur fasteignasali í síma 896-6020eða með tölvupósti á hallgrimur@trausti.is

Nánari lýsing eignar:
Komið er inn í rúmgott anddyri með parketi á gólfi.
Til vinstri eru eldhús og stofur en til hægri er gangur inn í tvö svefnherbergi og baðherbergi.
Eldhúsið er með snyrtilegri og vel með farinni hvítri innréttingu, flísar á gólfi. 
Inn af eldhúsinu er þvottahús og búr. 
Stofa og borðstofa eru rúmgóðar og bjartar með parketi á gólfi. Þaðan er útgengt út á stórar svalir sem snúa í suður og vestur. 
Svefnherbergin eru tvö, stærra herbergið/hjónaherbergi er með góðu skápaplássi og parketi á gólfi. Mikið útsýni er úr herberginu. 
Barnaherbergið er ágætlega rúmgott og með parketi á gólfi. 
Baðherbergi er flísalagt með hvítri innréttingu og baðkari með sturtuaðstöðu.
Bílskúrinn er í dag nýttur sem unglingaherbergi og fremri 1/4 hluti hans er geymsla. Nokkuð einfalt er að leggja fyrir salerni og setja upp sturtu. Handlaug er í rýminu í hvítri innréttingu og því hægt að koma fyrir eldhúsinnréttingu á þeim vegg. Fyrir framan bílskúrinn er hægt að leggja allt að fjórum bílum í röð en bílastæði eru einnig við Álfhólsveginn. 
Snyrtileg og falleg lóð er sameiginleg.
Sameignin er snyrtileg og nýlega máluð og teppalögð. 
Húsið hefur fengið gott viðhald í gegnum tíðina og íbúðin líka. 

Hér er skemmtileg eign á ferðinni á besta stað við Álfhólsveginn og er Álfhólsskóli hinum megin við götuna frá húsinu. Mikið og fallegt útsýni er úr íbúðinni. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is.