Strýtusel 13

Miklaborg kynnir:  Einstaklega fallegt og hlýlegt einbýli á jaðarlóð við Strýtusel í Reykjavík. Vel skipulagt, bjart og smekklegt þriggja hæða/palla einbýlishús með mikilli lofthæð á einum albesta stað í Seljahverfi. Húsið stendur á frábærri 919 fermetra jaðarlóð við friðað svæði, umlukið gróðri og náttúru. Þetta eru híbýli sem bjóða upp á notalegt fjölskyldulíf  og fjölbreytta nýtingarmöguleika, en auðvelt væri að útbúa séríbúð á neðri hæð. Áhersluatriði:

• Fjögur rúmgóð svefnherbergi (möguleiki á fleirum)
• Hjónaherbergi er með tveimur fataherbergjum
• Bílskúr hefur verið breytt í æfingasal/líkamsrækt
• Stór og fallega ræktuð lóð með palli, barnahúsi og góðri lýsingu
• Einstaklega friðsæl staðsetning við jaðar friðaðs svæðis
• Mikil endurnýjun undanfarin ár á bæði húsi og garði. vidar@miklaborg.is.

Stofa og eldhús :Úr forstofu er gengið inn í bjarta og rúmgóða stofu með mikilli lofthæð. Þar er arinn og parket á gólfum. Stofan tengist borðstofu í opnu rými og þaðan er gengið inn í eldhús. Þar er parket á gólfi, keramikhelluborð, ofn í vinnuhæð og gott búr. Uppþvottavél og ísskápur fylgja. Úr eldhúsi er gengið inn í flísalagt þvottahús með innréttingum og vaski. Rúmgóð gestasnyrting er inn af forstofu. Gagnger endurnýjun á stofu og eldhúsi átti sér stað á árunum 2000-2004 og á forstofu og gestasnyrtingu á árunum 2018-2020. Efri hæð Komið er upp á rúmgóðan pall með stórum glugga og glæsilegu útsýni yfir borgina og Esju. Þar inn af er annars vegar stórt skrifstofu/sjónvarps herbergi og hins vegar hjónaherbergi og annað minna svefnherbergi með rislofti. Ásamt tveimur fataherbergjum er hjónaherbergið u.þ.b. 30 fermetrar. Baðherbergið er flísalagt með hlýlegri spa stemningu, en þar eru sturta og baðkar í sér rými. Neðri hæð  Hér eru tvö herbergi sem hvort um sig er um 16 fermetrar auk flísalagðs baðherbergis með walk-in sturtu og sérsmíðuðum innréttingum. Þá hefur bílskúr verið innréttaður sem notalegt líkamsræktarherbergi auk geymslu. Önnur geymsla er einnig á neðri hæð. Öll neðri hæðin var endurnýjuð á árunum 2018-2021 sem m.a. fól í sér nýja skyggða glugga í stað bílskúrshurðar. Garður Lóðin er afar falleg og vel hönnuð, hellulögð að hluta með góðum palli, barnahúsi og gróðursælum garði þar sem álfasteinn prýðir svæðið. Hægt er að njóta bæði morgun- og kvöldsólar í þessu friðsæla umhverfi.Þetta er einstaklega hlýlegt og vandað heimili á einum af bestu stöðunum í Seljahverfi eða á höfuðborgarsvæðinu ef út í það yrði farið.   

Viðar Böðvarsson, viðskiptafræðingur, lögg. fast. vidar@miklaborg.is s.6941401