Laugarvegur 14

Fasteignamiðlun kynnir eignina Laugarvegur 14, 580 Siglufjörður, nánar tiltekið eign merkt 01-01, fastanúmer 213-0649 ásamt öllu því sem eigninni fylgir, þar með talið tilheyrandi lóðar og sameignarréttindi. Eignin Laugarvegur 14 er skráð sem hér segir hjá FMR: Eign 213-0649, birt stærð 101.6 fm.

Nánari upplýsingar veitir Arndís Erla Jónsdóttir Löggiltur fasteignasali, í síma 6907282, tölvupóstur arndis@fasteignamidlun.is.

Um er að ræða miðhæð í þríbýli með sérinngang og bílastæði. Fallegt útsýni er úr bogadregnum stofuglugga yfir fjörðinn. Eignin samanstendur af rúmgóðu anddyri, eldhúsi, búri, stofu, tveimur svefnherbergjum, baðherbergi, þvottahúsi og geymslu. Stofan er tvöföld og möguleiki á að útbúa auka svefnherbergi þar án þess að rýra stofupláss. Búið að er endurnýja glugga, vatnslagnir, eldhús, baðherbergi og gólfefni að hluta. Einnig hafa útitröppur verið lagaðar og til stendur að laga svalir í sumar. 

Forstofa: er parketlögð með góðu fatahengi og geymsluplássi undir stiga á efri hæð. 
Eldhús: er með dökkri viðarinnréttingu, svartri borðplötu og flísum á milli skápa. Nýleg tæki eru í eldhúsi. Parket er á gólfi. 
Búr: er mjög rúmgott inn af eldhúsi með góðu hillu- og borðplássi. Flísar eru á gólfi. 
Stofa: er með góðu gluggaplássi og parket á gólfi. Möguleiki er á að útbúa herbergi inn af stofu. Útgangur er á suður svalir úr stofu. 
Svefnherbergi: eru tvö mjög rúmgóð með fataskápum og parket á gólfi. 
Baðherbergi: er flísalagt í hólf og gólf með frístandandi sturtuklefa, hvítri innréttingu, vask, gólftengdu klósetti og handklæðaofn. 
Þvottahús: er með innréttingu fyrir þvottavél og þurrkara í vinnuhæð, góðu hillu- og skápaplássi og útganga út á pall með skjólvegg. 
Geymsla: er með sérinngangi á norðurhlið eignarinnar. Geymslan er í sameign með efri hæð hússins.