Úlfarsbraut 58

Nýtt á skrá! Opið hús - Úlfarsbraut 58 Reykjavík - þriðjudaginn 27. maí klukkan 17:00 - 17:30

Lind fasteignasala / Heimir Hallgrímsson lögg. fasteignasali kynnir virkilega fallegt og bjart 6 herbergja parhús á tveimur hæðum við Úlfarsbraut 58 í Reykjavík. Húsið, sem er byggt árið 2007, er alls 191,3 fermetrar að stærð og þar af 22,8 fermetra innbyggður bílskúr. Húsið er afar sjarmerandi, með aukinni lofthæð og rúmgóðum afgirtum bakgarði til suðurs. Stórar svalir til suðurs og austurs með fallegu útsýni yfir Úlfarsárdalinn og upp í Grafarholt. Stórir gólfsíðir gluggar eru í stofu efri hæðar sem hleypa inn mikilli birtu. Húsið er fallega steinað og með harðviðargluggum. Gólfhiti er í öllu húsinu.

Fjögur svefnherbergi eru í húsinu. Gestasnyrting á efri hæð og aðal baðherbergi á neðri hæð. Eldhús, sem er með vönduðum innréttingum og tækjum, er opið við stofu/borðstofu aðalhæðar með útgengi á stórar u.þ.b. 20 fermetra svalir með gler svalahandriðum. Mikil lofthæð er yfir aðalhæð með innfelldum ljósum. Innangengt í bílskúr frá forstofu. Þvottaherbergi og geymsla er staðsett á neðri hæð. Einungis einn eigandi frá upphafi og verið er að klára lokaúttekt á húsinu sem greiðist af seljanda.

Lóðin er falleg og viðhaldslítil. Hellulögð stétt og bílastæði með snjóbræðslu fyrir framan hús. Rúmgóð afgirt hellulögð verönd til suðurs með kvöldlýsingu. Staðsetning hússins er afar góð í rólegri barnvænni götu (lokuðum botnlanga). Mikil nálægð við skóla, leikskóla, sundlaug og íþróttasvæði Fram. Frábærir útvistamöguleikar þar sem húsin standa í næsta nágrenni við Leirtjörn og Úlfarsfell. 

Nánari lýsing:
Efri hæð:
Forstofa: Er rúmgóð með flísum á gólfi og góðum skápum. Gólfhiti og innfelld lýsing í lofti.
Baðherbergi I (gestasnyrting): Er flísalagt í gólf og veggi. Upphengt salerni og innrétting við vask með steini á borðum. Opnanlegur gluggi til norðurs.
Eldhús: Með flísum á gólfi og gólfhita. Falleg eldhúsinnrétting frá Brúnás með góðu skápaplássi, eyju og steini á borðum. Aukin lofthæð og Innfelld lýsing í loftum. Tvöfaldur Samsung kæliskápur, Miele helluborð, innb. Miele uppþvottavél, Miele bakaraofn og Elica háfur. Eldhús er opið stofu/borðstofu og með gluggum til norðurs og austurs.
Stofa: Með parketi á gólfi og stórum gólfsíðum gluggum til suðurs og austurs. Stofa rúmar vel setustofu og borðstofu. Útgengi á stórar svalir til suðurs.
Svalir: Eru stórar (um 20 fermetrar), með fallegu glerhandriði, sem snúa inn í bakgarð.

Bílskúr: Er 22,8 fermetrar að stærð og mjög snyrtilegur. Inngengt frá forstofu og flísar á gólfi. Rafmagnsopnum á bílskúrshurð og gólfhiti. Geymsluloft yfir hluta og heitt/kalt vatn.

Neðri hæð: Gengið niður á neðri hæð um steyptan parketlagðan stiga með kvöldlýsingu í veggnum.
Sjónvarpsstofa: Með parketi á gólfi
Hjónaherbergi: Er rúmgott og með parketi á gólfi. Góðir skápar og útgengi á hellulagða verönd til austurs (sem tengist verönd til suðurs).
Baðherbergi II: Með flísum á gólfum og veggjum. Baðkar með innb. Grohe sturtutækjum. Sturta með innb. Grohe sturtutækjum. Falleg innrétting við vask með steini á borðum. Upphengt salerni og handklæðaofn. Gluggi til austurs og innfelld lýsing í lofti.
Svefnherbergi II: Með parketi á gólfi, skápum og stórum glugga til suðurs.
Svefnherbergi III: Með parketi á gólfi, skápum og gluggum til austurs/suðurs.
Svefnherbergi IV: Með parketi á gólfi og glugga til suðurs
Þvottaherbergi: Flísar á gólfi og tenglar fyrir þvottavél/þurrkara. Þvottasnúrur.
Geymsla: Með parketi á gólfi.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.