Klapparhlíð 30

**Opið hús mánudaginn 1. september milli kl. 17:00 og 17:30**

Falleg 99,9 fermetra fjögurra herbergja íbúð á þriðju hæð með sérinngangi  af svölum í góðu fjölbýli við Klapparhlíð 30 í Mosfellsbæ. Þrjú svefnherbergi og rúmgott alrými. Útgengi frá stofu út á rúmgóðar svalir til suðvesturs með fallegu útsýni. Gott þvottahús innan íbúðar.  Um er að ræða eftirsótta staðsetningu í Mosfellsbæ. Leikskóli, grunnskóli og sundlaug/íþróttasvæði í göngufjarlægð. Verslun og þjónusta er í næsta nágrenni ásamt frábærum hjóla- og gönguleiðum. 

Samkvæmt skráningu HMS er birt flatarmál eignarinnar 99,9m², flatarmál íbúðarrýmis er 91,5m² og flatarmál geymslu er 8,4m². Fyrirhugað fasteignamat næsta árs er kr. 74.900.000.-
Smellið hér til að fá söluyfirlit sent strax

Nánari lýsing:
Forstofa er rúmgóð, vinylparketi á gólfi. Sérinngangur af svalagangi og fataslá.  
Stofa er rúmgóð, með harðparketi á gólfi og gluggum til suðurs. Opin við eldhús. 
Svalir eru rúmgóðar, snúa til suðvesturs. 
Eldhús er með fallegri nýlegri eldhúsinnréttingu frá Brúnás, bakaraofn í vinnuhæð, spanhelluborð, háfur og innbyggð uppþvottavél. Gluggi til suðvesturs. Harðparket á gólfi.
Hjónaherbergi er stórt með harðparketi á gólfi, rúmgóðum skápum og glugga til norðurs og vesturs.
Svefnherbergi II er með harðparketi á gólfi, skápum og glugga til norðurs.
Svefnherbergi III er með harðparketi á gólfi, skápum og glugga til vesturs.
Baðherbergi er með flísum á gólfi. Baðkar með sturtutækjum. Innrétting við vask og skápar með góðu geymsluplássi. 
Þvottahús  er með flísum á gólfi. Tengi fyrir þvottavél og þurrkara. Gengið inn í þvottahús frá baðherbergi.
Geymsla  er staðsett á sömu hæð og íbúð og er 8,4 fermetrar að stærð.

Hjóla- og vagnageymsla: Rúmgóð með beint útgengi frá sameign. Húsið er að mestu bárujárnsklætt og lítur vel út. 

Nýlegt viðhald á vegum húsfélags:
Ytra tréverk húsins málað 2022. Loftræstikerfi hreinsað og yfirfarið 2023. Tæknirými yfirfarið af pípara 2023. Viðhald á vatnslögnum, varmaskipti og fl. Tæknirými yfirfarið af rafvirkja 2023. 

Nánari uppl.
Brynjar Þór Sumarliðason löggiltur fasteignasali og viðskiptafræðingur í síma 896 1168 - brynjar@eignamidlun.is