Fasteignamiðstöðin er með til sölu jörðina Merkigil í Austurdal Skagafirði , 561 Varmahlíð. Fastanúmer 214-1950, landnúmer 146316.
Til sölu er jörðin Merkigil í Austurdal í Skagafirði, fastanúmer 2141950 landnúmer 146316. Jörðin er talin vera um 8.200 hektarar (ónákvæmt). Land jarðarinnar er um 10 km á lengd á bakka Jökulsár eystri, frá Ábæjará í austri að Merkigili í vestri. Vestur af bænum er allnokkuð mýrlendi en til austurs frá bænum meðfram Jökulsánni eru uppgróin valllendis tún. Austan og sunnan þessa undirlendis er fjallshlíð, að mestu gróin. Íbúðarhúsið er steinsteypt frá árinu 1949, ein hæð og ris og kjallari undir þriðjungi hússins, samtals um 160 m2. Á hæðinni eru forstofa, tvær samliggjandi stofur, baðherbergi með sturtu og stórt eldhús. Út úr eldhúsi er innangengt í viðbyggingu, þvottahús og geymslu. Á efri hæðinni eru 4 svefnherbergi. Ástand hússins að innan er gott en komið er að einhverju viðhaldi á ytra byrði.
Austan við íbúðarhúsið er uppsteypt geymsla 53 m2, fjós 63 m2 og hlaða 59 m2. Uppsteypt fjárhús, 142 m2, og hlaða, 42 m2, standa rétt austan og neðan íbúðarhússins. Ástand útihúsanna er þokkalegt. Rafmagn var lagt að Merkigili 1974. Á Merkigili er mikil náttúrufegurð og stórbrotið landslag. Veðurfar er mjög milt, úrkoma lítil og sólríkt. Þetta er kjörið land til útivistar. Flúðasiglingar eru stundaðar niður Jökulsána. Góð hestarétt stendur rétt austan bæjarins með geymsluaðstöðu fyrir reiðtygi. Hesta- og gönguferðir er nokkuð algengar um Austurdal að sumarlagi. Föst búseta lagðist af á Merkigili árið 1997. Síðan þá hefur jörðin verið nýtt sem sumardvalarstaður og er þar töluverð útleiga til gistingar af bæði hesta- og göngufólki. Samgöngur eru um Austurdalsveg, þjóðveg 758. Frá Varmahlíð að Merkigili eru rúmlega 50 km. Austan lands Merkigils er kirkjujörðin Ábær.
Á Merkigili bjuggu margir góðu búi fyrr á öldum en þekktasti bóndi þar er líklega ekkjan Monika Helgadóttir, sem bjó þar með manni sínum Jóhannesi Bjarnasyni frá árinu 1926. Jóhannes lést á besta aldri árið 1944. Monika bjó þar áfram allt fram til ársins 1974. Hún varð þjóðkunn þegar Guðmundur G. Hagalín skrifaði um hana bókina Konan í dalnum og dæturnar sjö árið 1954. Síðasti fasti ábúandinn á Merkigili var Helgi Jónsson. Hann hrapaði til bana í Merkigil árið 1997.
Tilvísunarnúmer: 10-2436
Nánari upplýsingar á skrifstofu Fasteignamiðstöðvarinnar, Hlíðarsmára 17 201 Kópavogi - sími: 550 3000
tölvupóstfang: fasteignamidstodin@fasteignamidstodin.is / leiga@fasteignamidstodin.is
Sjá einnig: fasteignamidstodin.is / jardir.is / fasteignir.is / mbl.is/fasteignir
Eftir lokun skiptiborðs:
Magnús Leópoldsson lögg. fasteignasali sími: 550 3000 og 892 6000 - tölvupóstfang magnus@fasteignamidstodin.is
Guðrún Olsen síma 550 3000 - tölvupóstfang gudrun@fasteignamidstodin.is
María Magnúsdóttir lögfræðingur gsm: 899 5600 - tölvupóstfang maria@fasteignamidstodin.is
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0,0 - 1,8% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár,
til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta
fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.