Mávahlíð 3

Trausti fasteignasala og Hallgrímur Hólmsteinsson löggiltur fasteignasali kynna Mávahlíð 3, góða og mikið endurnýjaða 3ja herbergja íbúð með sérinngangi á jarðhæð/kjallara. Íbúðin er nánast ekkert niðurgrafin.
Íbúðin skiptist í forstofu, gang, tvö rúmgóð svefnherbergi, stofu, eldhús og baðherbergi. Tvær geymslur tilheyra íbúðinni, ein köld geymsla undir útitröppum og önnur geymsla innanhús. Ekki eru mörg ár síðan húsið var steinað og þakjárn málað. Heilsugæslan er skammt frá og stutt er í leik- og grunnskóla. Frábær fyrstu kaup í góðu hverfi fyrir litla fjölskyldu. Allar nánari upplýsingar veitir Hallgrímur Hólmsteinsson lgfs í síma 896-6020 eða á tölvupóstfanginu hallgrimur@trausti.is. 

Íbúðin er 75,1 fm samkvæmt skráningu hjá HMS.

Nánari lýsing eignar: 
Komið er inn á flísalagt anddyri og þaðan inn á parketlagðan gang.
Á hægri hönd er eldhús með nýlegri innréttingu, gluggi, flísar á gólfi.
Baðherbergið er nýlega endurnýjað, með sturtuklefa, flísar á gólfi.
Við enda gangsins er rúmgott svefnherbergi með fataskáp, parket á gólfi. Mögulegt er að gera hurð út í garðinn úr herberginu, en það hefur verið gert í húsi númer 5 sem er samskonar. 
Rúmgóð parketlögð stofa og borðstofa er við enda gangsins.
Á hægri hönd við enda gangsins er annað rúmgott svefnherbergi með parket á gólfi og fataskáp.
Sér inngangur.
Sameiginleg vel gróin og snyrtileg lóð.  
Sameiginlegt þvottahús á sömu hæð og íbúð, ásamt lítilli geymslu.
Köld útigeymsla er við hliðina á innganginum sem tilheyrir íbúðinni.

Núverandi eigendur keyptu íbúðina í febrúar 2021. Umfangsmiklar framkvæmdir fóru fram í íbúð og að hluta í sameign (þvottahús). Þá var eldhús endurnýjað að öllu leyti, með nýjum eldhústækjum, raflagnir endurnýjaðar, gólf flotað og flísalagt. Skipt um baðherbergisinnréttingu, hreinlætistæki og sturtuklefa. Íbúðin var parketlögð og veggir og hurðir að hluta endurnýjaðar, fataskápar voru settir upp í svefnherbergjum. Skipt var um drenmöl fyrir framan og aftan hús, drendúki komið fyrir og ný drenrör lögð.  Skipt var um glugga í eldhúsi í október 2023. Í september 2024 var lokið við að gera við tröppur niður í íbúðina og sáu Múr og Tröppur um framkvæmdina. 

Hér er frábær eign á ferðinni fyrir fyrstu kaupendur í grónu og vinsælu hverfi þar sem stutt er í alla þjónustu, skóla og leikskóla. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is.