Furulundur 5 - SELT TIL FLUTNINGS

Fasteignasala Sauðárkróks býður til sölu húsið við Furulund 5, Varmahlíð í Skagafirði TIL FLUTNINGS.
Um er að ræða 49,5 fm. fullbúið einbýlishús, byggt úr timbri árið 1992 sem nýtt hefur verið sem skólastofa. 
Kaupandi skal flytja húsið í burtu af lóðinni.
Húsið er byggt úr timbureiningum frá Noregi (Ålhytta).

Tilboð í eignina þurfa að hafa borist Fasteignasölu Sauðárkróks í síðasta lagi kl. 15.00, mánudaginn 21. september 2026 en afstaða til þeirra verður tekin á fundi Byggðaráðs Skagafjarðar síðar í vikunni.
***Ekki verður tekið við tilboðum í eignina fyrir opna húsið***

Í húsinu eru tvö herbergi, forstofa, stofa, eldhús, baðherbergi og milliloft yfir hluta hússins.
Í eldhúsi er hvít innrétting, vaskur en hvorki ofn eða helluborð. Á baðherbergi er eru tveir vaskar. Á öllum gólfum er parket, nema baðherbergi þar sem er dúkur. Veggir eru klæddir með viðarpanel. Útgangur á lítinn suðurpall frá stofu. Stigi, sem hægt er að draga út, er til þess að komast á loftið sem er í húsinu. Gluggi með opnanlegu fagi er á loftinu, en ekki full lofthæð þar.  

Húsið stendur á steyptum súlum sem undirstöðum.
Seljandi ber kostnað af því að aftengja heitt og kalt vatn ásamt fráveitu. Kaupandi ber allan annan kostnað við flutning hússins af lóðinni, þ.m.t. jarðvinnu, hýfingu, flutning, kostnað af því að aftengja rafmagn og ljósleiðara, fjarlægja undirstöður sem grafnar eru í jörðu og klára að ganga frá lóðinni svo snyrtileg sé með því að fylla upp í sár og slétta.

Í lögum um fasteignakaup er lögð áhersla á skoðunarskyldu kaupanda. Væntanlegir kaupendur eru hvattir til að kynna sér ástand eignarinnar vandlega og afla sér aðstoðar sérfræðinga  við frekari skoðun sé þess þörf að þeirra mati. Sú áhætta fylgir kaupum á fasteignum að ekki er hægt að átta sig á ástandi á þeim hlutum eignarinnar sem ekki sjást við venjulega skoðun svo sem fráveitu-, vatns- og miðstöðvarlögnum svo og þaki eftir atvikum.

Nánari upplýsingar er að fá hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali
Eva Dögg Bergþórsdóttir löggiltur fasteignasali
Ella Magga aðstoðarmaður fasteignasala