Eskiás 3A

Garðatorg eignamiðlun kynnir til sölu einstaklega bjarta og fallega 4 herbergja íbúð með sér inngangi og svölum á 3. hæð í snyrtilegu húsi við Eskiás 3a í Garðabæ. 

Hér er um að ræða vel skipulagða eign í fjölbýlishúsi sem byggt var árið 2023. Íbúðin er falleg og rúmgóð með 3 svefnherbergjum, stofu, borðstofu og eldhúsi í björtu alrými með útgengi á svalir.

Þetta er skemmtileg og frábær fjölskyldu íbúð á góðum stað í Garðabænum þar sem stutt er í fjölbreytta þjónustu, skóla og leikskóla. Íþróttasvæði Stjörnunnar, íþróttamiðstöðin og sundlaugin í Ásgarði eru í göngufæri og stutt er í matvöruverslanir, veitingastaði, heilsugæslu, bókasafn og apótek í Litlatúni og á Garðatorgi.

Bókið skoðun: Unnur sími: 866-0507 eða unnur@gardatorg.is

Nánari lýsing:
Stofa og borðstofa: Bjart alrými með mikilli lofthæð, fallegum gluggum og parketi á gólfi. Gengið er út á svalir úr stofu.
Eldhús: Falleg innrétting með góðu skápa- og vinnuplássi, helluborði og bakarofni í vinnuhæð. Innbyggður ísskápur og uppþvottavél. Opið er úr eldhúsi inni í stofu og borðstofu.
Svefnherbergin: öll með fataskápum og parketi á gólfi.
Baðherbergi: Ljós innrétting með skúffum, sturtuklefi og handklæðaofni. Tengi fyrir þvottavél og þurrkara. Flísar á gólfi og veggjum.
Sér geymsla er innan íbúðar og í sameign er sameiginleg vagna og hjólageymsla.

Húsið Eskiás 3 er staðsteypt, einangrað að utanverðu og klætt og því viðhaldslítið. Öll bílastæði í hverfinu eru sameiginleg og gert er ráð fyrir rafhleðslubílastæðum. Djúpgámar fyrir sorp eru staðsettir á hornum lóðanna.
Í nágrenninu eru margar fallegar gönguleiðir um Ásana og Sjálandið, meðfram strandlengjunni og nærliggjandi svæði.

Allar upplýsingar veitir:
Unnur Ýr Jónsdóttir, löggiltur fasteingasali sími: 866-0507 eða unnur@gardatorg.is