Karlagata 16

Sunna fasteignasala, Marta Jónsdóttir, lögfr. og lfs., kynna Karlagötu 16, 105 Reykjavík. 

Um er að ræða virkilega fallegt parhús á þremur hæðum með stórum garði á gróðursælum reit í Norðurmýrinni. Eignin er með tvöfaldri stofu, 4 svefnherbergjum og 2 baðherbergjum. Garðurinn við húsið er afar skjólsæll og er einstaklega fallegur.  

Nánari lýsing:
Miðhæð:
Komið er inn í fallega forstofu með fatahengi. Teppi á gólfi. 
Eldhúsið er á vinstri hönd þegar gengið er inn úr forstofu. Það hefur verið endurnýjað með fallegri og tímalausri innréttingu. Korkflísar eru á gólfi. Á hæðinni eru einnig tvennar rúmgóðar stofur; borðstofa og hefðbundin setustofa. Þær eru parketlagðar. Útgengt er í garðinn frá borðstofunni. 
Rishæð:
Gengið er upp teppalagðan stiga. Á hæðinni eru 2 rúmgóð svefnherbergi auk baðherbergis með baðkari. Parket er á herbergjum og dúkur er á baðherbergi. Á hæðinni eru einnig tvennar geymslur undir súð. Þakgluggi er í annarri geymslunni.
Kjallari:
Gengið er niður teppalagðan stigann. Á hæðinni eru 2 góð parketlögð herbergi, tvennar geymslur, gestasnyrting auk sturtuaðstöðu (ekki í sama rými). Þvottahús er innst á gangi og þar er einnig lítil forstofa og hurð sem leiðir út í garð. 

Garðurinn umhverfis húsið er afgirtur og mjög "prívat". Þar er mikill og fallegur gróður, m.a. rifsberjatré. 

Framkvæmdir undanfarinna ára:
2024  Skipt um þakrennur á húsinu
2023  Húsið sílanhúðað að utanverðu
2021  Þak málað
2017  Skipt um glugga
2009  Skólplagnir myndaðar. Ekki þörf á aðgerðum
1995  Skipt um þakjárn
1991  Skipt um rafmagnstöflu og dregið í upp á nýtt, skipt um eldhúsinnréttingu

Þetta er einstaklega falleg og smekkleg eign sem hefur verið vel viðhaldið. Gluggar hússins eru virkilega fallegir og vandaðir. 

Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is.