Austurgata 8

131,7 fm. hús á tveimur hæðum og með  tveimur íbúðum byggt árið 1941. Neðri hæð hússins er steypt og sú efri er úr timbri.

Neðri hæð skiptist í forstofu, samliggjandi hol og eldhús, stofu, baðherbergi og þvottahús.

Efri hæð skiptist í forstofu, hol, stofu, tvö svefnherbergi, eldhús, baðherbergi og búr.

Á gólfum eru flísar og parket og góðar innréttingar eru í húsinu.  

Húsið var að miklu leyti endurnýjað að innan og utan árið 2016. Var þá að sögn eigenda skipt um öll gólfefni, allar innréttingar, skipt um glugga, loft tekin upp á efri hæð og efri hæð klædd að utan með bárujárni.  Þá var einnig hljóðeinangrun milli hæða bætt. Múr á neðri hæð var endurnýjaður árið 2017.  Þak var málað árið 2017 og var þá í góðu lagi.

Lóð er gróin og á henni nýlegt hellulagt bílastæði fyrir þrjá til fjóra bíla.

Báðar íbúðirnar eru í útleigu. Leigutekjur eru um kr. 300.000,- á mánuði.  

Eignin lítur vel út bæði að innan og utan.