Laugavegur 96

Pétur Ásgeirsson löggiltur fasteignasali hjá RE/MAX fasteignasölu kynnir : Einkar glæsileg 2-3 herbergja 145,9 fm á tveimur hæðum við Laugaveg 96, 101 Reykjavík.
Birt stærð skv. Þjóðskrá Íslands er 145,9m2 þar af milliloft 39,6m2. Hluti íbúðarinnar er undir súð og er því gólflöturinn stærri. 

Hér getur þú gengið í gegnum eignina í 3D: Ýtið hér

// Mikil lofthæð í alrými.
// 2 svefnherbergi, hægt að bæta þriðja svefniherberginu við.
// Stórt alrými með glæsilegt eldhús.
// 2 Baðherbergi.
// Góðar og skjólsælar suðursvalir með glæsilegu útsýni.
// Frábær staðsetning í miðbænum.

Neðri hæðin skiptist í forstofu, snyrtingu, geymslu, eldhús, stofu og svalir.  
Efri hæðin skiptist í tvö herbergi, fataherbergi (hægt að nota sem herbergi), baðherbergi og opið rými (innisvalir). 

Nánari lýsing:
Neðri hæð. 
Forstofa: Marmari á gólfi. Innaf forstofu eru góðir sérsmíðaðir skápar tengdir eldhúsinnréttingunni.
Gestasnyrting: Marmari í hólf og gólf og borðplötu úr íslensku blágrýti.
Eldhús: Er með vandaðri sérsmíðaðri innréttingu og Miele tækjum, granít borðplötu og innfelld lýsing er í lofti.   
Stofa: Er í alrými með eldhúsi. Mikil lofthæð upp í rúma 5,2 metra.  Útgengt er af mið palli út um tvöfalda hurð út á 20m2 skjólgóðar suðursvalir meðfram allri íbúðinni.  
Á gólfum neðri hæðar, stiga, palli og gluggakistum er marmari og íslenskt blágrýti.

Efri hæð. 
Efri hæðin er í norðurhluta íbúðarinnar og er gengið upp á rúmgóðar innisvalir með sérsmíðuðu smíðajárnshandriði og sérsmíðuðum, innbyggðum bókahillum með rúmgóðum skúffum.
Herbergi: Hefur verið útbúið á innisvölum með opnanlegum glugga inni í alrými. Parket á gólfi.
Hjónaherbergi: Rúmgott með parketi á gólfi. 
Fataherbergi: Er inn af hjónaherbergi.
Baðherbergi: Sérsmíðaðar innréttingar, marmari á veggjum, granít á gólfi og borðplötu og sérsmíðaður granít sturtuklefi.  Tengt er fyrir þvottavél og þurrkara í baðherberginu. 
Á efri hæðinni eru opnanlegir stóri þakgluggar.  Gegnheilt hnotuparket er á efri hæð. 

Íbúðin var öll endurnýjuð á árunum 2002-2006 þ.e. gluggar og gler, rafmagn og pípulagnir, baðherbergi, eldhús, innréttingar og hurðir. Gólfhiti er í alrými á neðri hæð.  Hljóðdempun og hljóðeinangrun eru mjög góð í íbúðinni þar sem hún var áður bíósalur.  

Eignin er skráð 2ja herbergja skv. FMR en útbúið hefur verið annað herbergi á stigapalli á efri hæð með glugga sem opnast inn í alrými.

Laugarvegur 96, íbúð merkt 0301 er eign í sérflokki á besta stað í miðborg Reykjavíkur.
Sjón er sögu ríkari.

Nánari upplýsingar gefur Pétur Ásgeirsson  löggiltur fasteignasali í síma 893-6513 / petur@remax.is

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.