Goðakór 3

Fallegt og vel skipulagt einbýlishús með bílskúr á frábærum stað við Goðakór 3 í Kópavogi. Aukin lofthæð, lofthæð og innbyggð lýsing. Fimm svefnherbergi, tvö baðherbergi, innangengt í bílskúr og fallegur garður með timburverönd og heitum pott. Hægt er að útbúa séríbúð með sérinngangi á jarðhæð. 

Eignin er skráð skv. Þjóðskrá Íslands alls  207,7 fm. og þar af er bílskúr 34,9 fm.

** Fimm svefnherbergi og tvö baðherbergi.
** Fyrirhugað fasteignamat 2027 er 165.750.000 kr.
** Eignin býður upp á mikla möguleika, t.d. fjölga svefnherbergjum eða útbúa sér íbúð með sérinngangi.

Nánari lýsing eignar:
Neðri hæð
Forstofa rúmgóð með fatahengi og flísum á gólfi.
Tvö svefnherbergi eru á hæðinni með fataskápum og flísum á gólfi. 
Baðherbergi með sturtuklefa, snyrtileg innrétting, upphengt salerni og gluggi. Flísalagðir veggir og gólf. 
Sjónvarpsherbergi rúmgott með flísum á gólfi. Úr rýminu er innangengt inn í  bílskúr.
Bílskúr hefur verið stúkaður niður með léttum vegg og er hluti hans í dag nýttur sem þvottahús. Bílskúrshurð og einnig inngangur á hurð á hlið bílskúrsins. Opnanlegir gluggar. Flísar á gólfi. 

Efri hæð
Steyptur stigi liggur upp á efri hæð hússins með glerhandriði og flísum.
Eldhús með innréttingu frá Innex, granít borðplötur, tengi fyrir uppþvottavél, ofn í vinnuhæð, gufugleypir, helluborð og flísar á gólfi. Rúmgott og bjart rými sem tengist stofu/borðstofu.
Stofa/borðstofa bjart og fallegt rými með aukinni lofthæð og gólfsíðum gluggum. Fallegt útsýni er úr stofunni. Nýlegt parket á gólfi. Útgengt er út á 15,2 fm. svalir úr rýminu.
Hjónaherbergi með góðu skápaplássi og flísum á gólfi. 
Svefnherbergi með fataskáp og flísum á gólfi. 
Baðherbergi með baðkari með sturtu aðstöðu, góð innrétting, upphengt salerni, gluggi og flísar á veggjum og gólfi. 

Lóðin er fullfrágengin. Rúmgóð hellulögð innkeyrsla með snjóbræðslu. Á baklóð hússins er timburverönd með skjólveggjum og heitum potti.

Eignin er frábærlega vel staðsett í fjölskylduvænu hverfi á vinsælum stað í Kópavogi. Í göngufjarlægð eru bæði grunn-og leikskólar, íþróttaaðstaða Kórsins og verslun Krónunnar.

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 8995949 eða á netfanignu gudbjorg@trausti.is eða Kristján Baldursson hdl. og löggiltur fasteignasali í síma 8673040 eða á netfanginu kristjan@trausti.is