Bragagata 33

Nýtt á skrá! Sjarmerandi einbýlishús við Bragagötu 33 í Reykjavík.

Lind fasteignasala / Heimir Hallgrímsson lögg. fasteignasali kynnir  til sölu virkilega fallegt og vel staðsett 126,6 fermetra einbýlishús á tveimur hæðum ásamt kjallara og risi. Rishæð er ekki inn í fermetratölu eignarinnar. Sér bílastæði er staðsett við afgirtan bakgarð. Eignin er staðsett á eftirsóttum stað við Bragagötu í Reykjavík. Kjallari er með sérinngangi og hefur verið í útleigu.

Að sögn eiganda hefur eignin verið nokkuð endurnýjuð á sl. árum, m.a. eldhúsinnrétting og tæki, húsið múrviðgert og málað árið 2025 ásamt því að þak var málað sama ár. Auk þess er búið að endurnýja rafmagnstöflur og ofnalagnir. Nýleg sérsmíðuð svalahurð er út frá baðherbergi. Stæði á baklóð hafa verið hellulögð. Það verður búið að skipta um þau gler í gluggum sem er komið á tíma fyrir afhendingu hússins.

Lýsing eignar:
Aðalhæð:
Forstofa: Með flísum og fatahengi.
Stofa: Með fallegum upprunlegum viðarfjölum og glugga til suðurs. Stofa er opin að hluta við eldhús/borðstofu.
Eldhús/borðstofa: Með fallegum viðarfjölum á gólfi og endurnýjaðri eldhúsinnréttingu. Nýleg Gorenje eldavél með keramik helluborði. Gott pláss fyrir borðstofuborð og gluggi til norðurs. Útgengi er í bakgarð frá eldhúsi/borðstofu.
Bakgarður: Er afgirtur með torfi og hellum. Gengið er í bakgarð frá eldhúsi/borðstofu. Hellulagt bílastæði liggur við bakgarð. Auk þess er gengið í geymslu úr bakgarði.
Geymsla: Innangengt úr bakgarði. Vatn og rafmagn í geymslu.

Efri hæð: Gengið upp steyptan stiga frá forstofu.
Svefnherbergi I: Með máluðu gólfi, glugga til norðurs og innbyggðum skápum.
Svefnherbergi II: Er rúmgott með máluðu á gólfi og glugga til suðurs. Gengið upp á risloft frá herbergi.
Baðherbergi: Með flísum á gólfi og flísalagðri sturtu. Handklæðaofn, hvít innrétting við vask og útgengi á svalir til norðvesturs með nýlegri sérsmíðaðri svalahurð.

Risloft: Gengið upp í frá Svefnherbergi II. Steypt gólf og tveir þakgluggar. Grunnflötur rislofts er ekki skráður í fasteignaskrá.

Kjallari: Með sérinngang frá Bragagötu. Ekki er full/lögleg lofthæð í kjallara.
Forstofa: Með máluðu gólfi.
Eldhús: Með máluðu gólfi og glugga til suðurs.Vaskur og lítill kæliskápur. Sturtuklefi og tengi fyrir þvottavél.
Baðherbergi: Með upphengdu salerni og vask.
Svefnherbergi: Með máluðu gólfi og gluggum til norðurs.

Lóðin er fullfrágengin og með afgirtri viðarverönd auk tyrfðrar flatar.  Sér bílastæði er á lóð austan við húsið.

Staðsetning eignarinnar er virkilega góð á rólegum stað í miðborginni þaðan sem stutt er í verlsanir, veitingahús og aðra þjónustu.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is