Háafell 4C

BYR fasteignasala kynnir í einkasölu HÁAFELL 4 - ÍBÚÐ 202, 700 Egilsstaðir. Fjögurra herbergja íbúð á efri hæð með bílskúr í þríbýlishúsi í Fellabæ. 
Góð staðsetning, stutt í alla almenna þjónustu, grunnskóli og leikskóli í göngufæri. Smellið hér fyrir staðsetningu.
Húsið er byggt árið 1984, eignin skiptist í íbúð 93.4 m² og bílskúr 36.4 m² samtals 129.8 m² samkvæmt skráningu HMS.
Skipulag eignar: Anddyri, stofa, eldhús, þrjú herbergi, hol, baðherbergi og þvottahús. Bílskúr og geymsla. 

Nánari lýsing: 
Anddyri með fatahengi, flísar á gólfi, innangengt er í þvottahús frá anddyri. 
Eldhús, U-laga innrétting og borðkrókur, helluborð, vifta, ofn í vinnuhæð, gert er ráð fyrir uppþvottavél og ísskáp í innréttingu (fylgir ekki). 
Stofa, parket á gólfi, frá stofu er útgengt út á svalir.
Herbergi I, hjónaherbergi, parket á gólfi fjórfaldur fataskápur.
Herbergi II, parket á gólfi, tvöfaldur fataskápur.
Herbergi III, parket á gólfi. 
Baðherbergi, flísalagt í hólf og gólf, vaskinnrétting og skápar, salerni og sturtuklefi. 
Hol, parket á gólfi, lúga er úr holi upp á loft.
Þvottahús, innrétting með pláss fyrir tvær vélar í vinnuhæð, flísar á gólfi, gluggi. 
Bílskúr og geymsla, gönguhurð er á bílskúrshurð, málað gólf, rafmagn, heitt og kalt vatn, gluggar eru á hlið.
Gert er ráð fyrir þriggja-fasa tengli í rafmagnstöflu í bílskúr (ekki komið inn). 

HÁAFELL 4 er þríbýlishús, jarðhæð er steinsteypt, á jarðhæð er ein íbúð og tvær bílageymslur, efri hæð er byggð úr timbri þar eru tvær íbúðir. Neðri hæð er máluð, efri hæð er klædd með timbri, timburgluggar og hurðar, bárujárn er á þaki, steyptur stigi liggur upp á efri hæð. Bílastæði fylgir eigninni framan við bílskúr, möl í bílastæði. Á lóð eru afmarkaðir þrír sérafnotahlutar, einn fyrir hverja íbúð. Á lóð eru 6 bílastæði 2 fyrir hverja íbúð. Undir útistiga er steypt plata. Búið er að steypta vegg á lóðamörkum, steypt sorptunnuskýli er fremst við bílastæði. Verið er að mála húsið allt að utan og er því skilað fullmáluðu að utan. 
Lóðin er 1.080,0 m² leigulóð í eigu Múlaþings.

Skráning eignar samkvæmt fasteignayfirliti HMS:
Fasteignanúmer 217-3507. Háafell 4C, Múlaþing
Stærð: Íbúð 93.4 m². 36.4 m². Samtals 129.8 m².
Brunabótamat: 61.100.000 kr.
Fasteignamat .45.650.000 kr.  Fyrirhugað fasteignamat 2027 49.700.000 kr.
Byggingarár: 1984
Byggingarefni: Steypt-timbur
Eignarhald: 01.2- Séreign.
Rými: 01.0103, Bílskúr 36.4 Brúttó m². 01.0202, íbúð á hæð 93.4 Brúttó m².
Íbúðarhúsalóð:1.080,0 m². Landeignanúmer: 157055.