Gulaþing 13

Guðlaugur J. Guðlaugsson og Gunnar Sverrir löggiltir fasteignasalar hjá RE/MAX fasteignasölu kynna í einkasölu:

Vel skipulagt, fallegt og gott fjölskylduhús með stórum innbyggðum bílskúr (59,4 fm.), fimm svefnherbergjum og þremur baðherbergjum. Húsið er staðsett innst í botnlanga og á flottum útsýnisstað við Elliðavatn, Gulaþing 13, 203 Kópavogsbær.

Fallega gróin og vel hirt endalóð á einstökum stað innst i botnlanga á fallegum útsýnisstað við Elliðavatn. Stutt er í leikskóla, sparkvöll og skóla og örstutt er í Heiðmörk og gönguleiðir og útivistarsvæði eru allt í kring.

Verönd snýr vel á móti sól með skjólveggjum, heitum potti og saunahúsi ásamt góðri útigeymslu. 

Húsið er skráð 298,1 fm. en er í raun um 354,0 fm. með óráðstöfuðu rými. Í því rými er aukaíbuð sem hægt er að nýta sem útleigueiningu með sérinngangi eða samnýta með húsinu. 

Húsið er staðsett nálægt Elliðavatni þar sem framúrskarandi útsýni er til norðurs og útisvæði til suðurs. Eldhús og borðstofa tengjast útisvæði og stofa tengist bæði útisvæði og útsýninu til norðurs. Á efri hæðinni er útgengt frá baðherbergi hjóna út á verönd þar sem er heitur pottur og saunahús. Hús með marga eiginleika og sterkan karakter. Mikil lofthæð og stórir gluggar gera húsið bjart og fallegt.

Húsið og garðurinn er allt hannað af Einari Ólafssyni arkitekt hjá Arkiteo. Húsið var sérstaklega hannað til að hafa gott flæði frá eldhúsi, stofu og baðherbergi út á pall. Einnig að hægt væri að njóta útsýnis frá sem flestum rýmum hússins. Arinn í stofu er hannaður af Loga Eldon. Gluggar í öllu húsinu eru gegnheilir álgluggar frá þýska framleiðandanum Schuco.  Ljósastýring hússins er frá Dali. Parket er slitsterkt og er sérstaklega hannað fyrir gólfhita. Danfoss gólfhitakerfi. Saunahús með blönduðu kerfi, bæði infrared og saunu og er viðarklæðning þar sérstaklega hönnuð fyrir saunu.

 Smelltu á linkinn til að skoða húsið í 3D

Bókið skoðun hjá Gulla í síma 661 6056 eða með tölvupósti á netfangið gulli@remax.is

Nánari lýsing: 
Neðri hæð hússins, skiptist þannig:
Forstofa er mjög björt og opið rými með flísum á gólfi, þaðan liggur glæsilegur stigi með parket þrepum og glerþiljum upp á efri hæð hússins. Stór álgluggi á einni hlið og yfir öllu rýminu. 
Í forstofunni er hátt til lofts og innbyggðir fataskápar með rennihurðum. Þvottahús þar inn af er flísalagt og með góðu skápa- og vinnuplássi. Gert er ráð fyrir þvottavél og þurrkara í vinnuhæð, skolvaskur þar við hlið. 
Herbergin á neðri hæðinni eru tvö, bæði flísalögð. Annað þeirra er mjög rúmgott með rennihurð og fataskápum. Hitt er herbergið er útbúið sem stúdíóíbúð sem hægt væri að nýta sem útleigueiningu eða samnýta með húsinu. Þar er opið alrými með sérinngangi, fataskápum og sér baðherbergi. Baðherbergið er flísalagt á gólfi og veggjum og þar er baðkar sem er með sturtuaðstöðu með glerþili. Upphengt salerni og baðinnrétting með handlaug og speglaskáp þar fyrir ofan. 
Bílskúrinn er mjög rúmgóður, breið bílskúrshurð, gönguhurð þar við hlið og gluggar. Innréttingar með góðu skápaplássi, bæði neðri og efri skápar. Vinnuborð með skolvaski. Inn af bílskúr er stór og góð geymsla. 
 
Efri hæð hússins, skiptist þannig: 
Komið er upp í mjög rúmgott og bjart alrými með hátt til lofts. Þar eru samliggjandi eldhús, borðstofa og glæsileg stofa með arinn í enda þess. Stórir gluggar gefa mikið og fallegt útsýni. Útgengi er á verönd með skjólveggjum, heitum potti, sauna húsi og útigeymslu. 
Eldhús er með hvíta U-laga innréttingu og stóra eyju með graníti á borði. Þar er mikið borðpláss, tvöfaldur ísskápur, bökunarofn og combi ofn í vinnuhæð. Innbyggð uppþvottavél, stór eldhúsvaskur og helluborð. Mikið og gott skápa- og skúffupláss. 
Frá alrými er gengið yfir „brú“ með glerhandriðum, þar er önnur glæsileg stofa með einstakt útsýni yfir Elliðavatn, Esjuna og víðar. Þar inn af er sjónvarpsstofa og tvö rúmgóð barnaherbergi með fataskápum og baðherbergi. Baðherbergið er flísalagt og baðinnrétting með handlaug og spegli ásamt baðskáp þar við hlið. Upphengt salerni og og sturta með innbyggðum blöndunartækjum. 
Hjónasvítan er mjög rúmgóð með fataherbergi. Þar inn af er gengið inn á stórt flísalagt baðherbergi. Baðinnréttingin er með handlaug, upphengt salerni og stór og góð sturta með innbyggðum blöndunartækjum. Gengið er beint út á verönd frá baðherberginu. Veröndin er öll hin glæsilegasta, staðsett vel á móti sól með skjólveggjum. Þar er heitur pottur ásamt saunahúsi með blönduðu kerfi þar sem hægt er að velja á milli infrared og saunu. Útigeymsla með góðu plássi fyrir útihúsgögn ofl. 
Aðkoma að húsinu er öll hin glæsilegasta, hellulögð og mjög rúmgóð innkeyrsla með upplýstum hellulögðum stéttum þar við hlið ásamt steyptum skjólveggjum. 

Nánari upplýsingar veita: Gunnar Sverrir, löggiltur fasteignasali, í síma 862-2001 / gunnar@remax.is Guðlaugur J. Guðlaugsson, löggiltur fasteignasali, í síma 661-6056 / gulli@remax.is

Vegna mikillar eftirspurnar vantar okkur allar tegundir eigna á skrá. Hafið samband og við munum verðmeta eign þína þér að kostnaðarlausu.

Gjöld sem kaupandi þarf að standa straum af vegna kaupanna: 1. Stimpilgjald af kaupsamningi 0,8%, ( 0,4% ef um fyrstu kaup er að ræða ) og 1.6% (ef lögaðilar) af heildar fasteignamati. 2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500
af hverju skjali. 3. Lántökugjald lánastofnunar - Nánari upplýsingar á heimasíðum lánastofnana. 4. Umsýslugjald til fasteignasölu kr. 69.900.-