Rimasíða 6

Rimasíða 6 - Skemmtilegt og mikið endurnýjað 5 herbergja einbýlishús á tveimur hæðum í Síðuhverfi. 
Eignin er skráð 153,0 m² að stærð en nýtanlegir fermetrar eru rúmlega 200 þar sem búið er að setja gólf yfir alla efri hæðina nema yfir stofu. 

Eignin skiptist með eftirtöldum hætti,
Neðri hæð: Forstofa, eldhús, borðstofa, stofa, gangur, þrjú barnaherbergi, hjónaherbergi með fataherbergi, baðherbergi og þvottahús.
Efri hæð: Sjónvarpshorn / fjölskyldurými og geymsla. 

Forstofa er með dökk máluðum flísum á gólfi og lausum skáp. 
Eldhús, falleg hvít innrétting og eyja með mjög góðu skápa- og bekkjarplássi. Stór ísskápur og uppþvottavél eru innfelld í innréttingu og fylgja með við sölu eignar. Tveir AEG ofnar, annar með innbyggðum örbylgjuofni. 
Stofa, borðstofa og eldhús eru í opnu rými, með ljósu harð parketi á gólfi og gluggum til þriggja átta. Í stofunni er loft tekið upp og grá lakkaður stigi upp á efri hæðina.
Svefnherbergin eru fjögur, þrjú barnaherbergi, öll með harð parketi á gólfi og fataskápum og hjónaherbergi með litlu fataherbergi.  
Baðherbergi flísalagt í hólf og gólf, með hvítri innréttingu, upphengdu wc og flísalagðri walk-in sturtu. Gólfhiti er í sturtugólfinu. 
Fjölskyldurýmið og sjónvarpshornið á efri hæðinni eru með ljósu harð parketi á gólfi og kvist til austur. Skráðir fermetrar á efri hæð eru 9,5 en parket er á um 30 m².
Inn af sjónvarpshorninu er rúmgóð köld geymsla, um 50 m²  og með lökkuðum plötum á gólfi.
Þvottahús er við hliðina á forstofunni og nýtist það sem annar inngangur fyrir eignina. Þar er teppi á gólfi og ljós innrétting. Hleri er í gólfinu og þar undir er lítill steyptur lagnakjallari.  

Annað 
- Á árunum 2019 - 2020 voru unnar endurbætur á eigninni, bæði eldhús og baðherbergi endurnýjað, allar raflagnir endurnýjaðar, nýtt inntak og ný rafmagnstafla, ný loftaklæðning og sett innfelld lýsing í hluta og allt gler endurnýjað og gluggalistar nema í kvistinum.
- Á árunum 2022 - 2023 var húsið klætt að utan og sett nýtt járn á þakmæni.
- Fyrir framan húsið og með hluta af suðurhliðinni er timburverönd, 50 - 60 m².
- Bílaplan var stækkað árið 2021.
- Byggingarréttur er fyrir bílskúr
- Eignin er í einkasölu

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.