Munkaþverárstræti 15

Einbýli á pöllum auk bílskúrs við Munkaþverárstræti á Akureyri - samtals 175,5 m² að stærð.
Íbúðarhúsið er skráð 147,7 m² og bílskúrinn 27,8 m².  Lóðin er 559,0 m² að stærð.

Húsið er steypt og hlaðið úr r-steini, eitt af fyrstu húsum Akureyrar sem byggt var í funkis-stíl.

Húsið stendur á hornlóð við Munkaþverárstræti og Bjarkarstíg skammt fyrir ofan miðbæinn.  Íbúðarhúsið skiptist þannig að á miðpalli eru tvær forstofur, eldhús, stofa og borðstofa.  Á efsta palli eru þrjú herbergi og baðherbergi.  Á neðsta palli er eitt herbergi, tvær geymslur og þvottahús.

Nánari lýsing
Forstofur eru tvær.  Aðalinngangur er að austanverðu frá Munkaþverárstrætinu en bakdyrainngangur er að vestanverðu, þeim megin sem bílskúrinn er, og innkeyrslan að honum er frá Bjarkarsíg.  Harðparket á gólfi við aðalinngang og málað gólf við bakdyrainngang.
Eldhús er með ljósri innréttingu og harðparketi á gólfi.  
Stofa og borðstofa eru með harðparketi á gólfi og opið er á milli borðstofu og eldhúss, sem og á milli borðstofu og stofu.
Baðherbergi er flísalagt og var endurnýjað fyrir rúmum 10 árum.  Flísar eru á gólfum, upphengt wc, baðkar með sturtutækjum og hengi, handklæðaofn og opnanlegur gluggi.
Herbergin eru fjögur.  Á efsta palli eru eru þrjú herbergi, eitt rúmgott og tvö minni, öll með harðparketi á gólfi.  Fataskápar eru í stærsta herberginu.  Eitt herbergi er á neðsta palli og þar er harðparket á gólfi.  
Þvottahús er á neðsta palli, ágætlega rúmgott og þar er ljós innrétting og flögutex á gólfi.
Geymslur eru tvær í kjallara auk þess sem ágætt geymslupláss er í þvottahúsi.  Ágæt geymsla er einnig innaf hjónaherbergi á efsta palli.
Bílskúrinn er skráður 27,8 m² stærð, stakstæður og stendur vestan við húsið.  Skúrinn er upphitaður og snyrtilegur, með bæði heitu og köldu vatni.  Framan við skúrinn er malborið bílaplan.
Stórar þak svalir eru yfir öllum millipallinum og þangað upp er farið af efsta palli.

Lóðin er gróin og með töluverðan trjágróður.
Skemmtileg eign í grónu hverfi.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.