Hamragarður 11

Sunna fasteignasala og Marta Jónsdóttir, lögfr. og lfs., kynna einbýlishús við Hamragarð 11 á einum gróðursælasta stað Reykjanesbæjar.

Um er að ræða einbýlishús á einni hæð sem byggt var árið 1974 ásamt bílskúr sem byggður var árið 1988, alls 176 fm að stærð. Húsið er með 4 svefnherbergjum, stofu, sjónvarpsstofu, stóru eldhúsi með borðkrók, baðherbergi, stóru þvottahúsi og forstofu. Þá er studíóíbúð í bílskúrnum sem standsett var fyrir um 3 árum en hún hefur aldrei verið notuð sem slík og eru eldhústækin ónotuð. Í bílskúrnum er einnig geymsla sem hægt væri að breyta í herbergi. 
Eignin er staðsett innst í botnlanga á rólegum og gróðursælum reit. 

Húsið hefur ávallt fengið afar gott viðhald og hefur því verið sinnt af fagmönnum. Þakið virkar gott og engin saga er um leka né raka í húsinu. Rennur þarfnast þó endurnýjunar. Gluggarnir í húsinu er úr Oregon Pine og hafa fengið gott viðhald. Skipt hefur verið reglulega um glerið í húsinu í gegnum tíðina ásamt lausafögum. Gluggalistar þarfnast þó endurnýjunar.

Nánari lýsing:
Komið er inn í rúmgóða forstofu með góðum skápum. Þar inn af er stórt þvottahús. Aukahurð er á þvottahúsinu.
Við hlið forstofunnar er eldhúsið með innrétttingu sem er U-laga og góðum borðkrók. Gluggar eru á eldhúsinu, sem snúa annars vegar í suður og hins vegar í vestur.
Stofan og borðstofan er í björtu og rúmgóðu rými. Útgengt er þaðan á pall með heitum potti. Potturinn hefur ekki verið notaður í einhver ár en virkaði vel síðast þegar hann var notaður.
Fyrir aftan stofu og borðstofu er gott sjónvarpsrými með stórum gluggum.  
Baðherbergið er við hlið sjónvarpsrýmisins en það var endurnýjað í kringum árið 2010.
Svefnherbergis gangurinn er með hurð sem hægt er að loka frá stofunum en þar eru 4 rúmgóð svefnherbergi, öll með stórum og veglegum gluggum.

Stéttin fyrir framan bílskúrinn er um 15 ára gömul, hún er stimpluð og hefur verið vel viðhaldið og háþrýstiþvegin reglulega. Síðast var borið á hana fyrir um tveimur árum. 
Garðurinn er gróinn með stórum trjám sem veita gott skjól. Fyrir aftan bílskúrinn er steypt plata sem býður upp á ýmsa möguleika. 

Um er að ræða einstakt tækifæri til að eignast einbýlishús á besta stað. 
Fasteignamat næsta árs er kr. 98.400.000. 

Vinsamlegast bókið skoðun.
Nánari upplýsingar veitir Marta Jónsdóttir, lögfr. og lfs. í síma 8633445 og netfanginu marta@sunnafast.is.