Miðhraun 14

Fasteignamarkaðurinn ehf. s: 570-4500 kynnir til sölu 101,0 fermetra rými á 2. hæð auk millilofts við Miðhraun í Garðabæ.  Eignarhlutinn er innréttaður sem íbúðarhúsnæði, en skráður sem skrifstofuhæð.

Rýmið er allt nýlega innréttað upp á nýtt og skipt var um gler og glugga á rýminu auk útidyrahurðar sumarið 2026.  Öflugt nýtt loftræstikerfi með inn- og útblæstri er í stúdíó á neðri hæð og á svefnlofti á efri hæð, en hægt að tengja það við fleiri rými í eigninni. Gólf á hæðinni hafa verið flotuð, útbúið nýtt baðherbergi, sett upp ný eldhúsinnrétting með tækjum og útbúið hljóðstúdíó í hluta hæðarinnar.

Lýsing eignar:
Hæðin sem er 101,0 fermetrar að stærð skiptist þannig:
Alrými, sem í eru stór stofa og eldhús.  Gólf er flotað og lofthæð er mikil.  Ný svört innrétting á tveimur veggjum í eldhúsi með nýjum tækjum.
Baðherbergi, flotað gólf og flísalagðir veggir að hluta. Stór flísalögð sturta með sturtugleri, vegghengt wc., innrétting og tengi fyrir þvottavél og þurrkara. 
Stofa / Hljóðstúdíó, með parketlögðu gólfi, viðarklæddu lofti og fataskápum á heilum vegg.  Þetta rými er með tvöfaldri einangrun og loftrými á milli í vegg útað alrými hæðarinnar og gert er ráð fyrir
stórri rennihurð til að stúka rýmið af.  

Milliloft er yfir hluta rýmisins, en það er ekki skráð inn í stærð eignarinnar hjá HMS.  Gengið er upp á milliloft úr alrými neðri hæðar um steinteppalagðan stálstiga:

Svefnloft, steinteppalagt og um 25 fermetrar að gólffleti og er með inn- og útblæstri frá loftræstikerfi. Frá svefnlofti er horft yfir alrými neðri hæðar.
Geymsluloft, er yfir hljóðstúdíói sem er að neðri hæð. Geymsluloftið er ekki með gluggum og er um 25 fermetrar að gólffleti.

Húsið að utan lítur vel út, en fyrirhugað er að ráðast í þakviðgerðir árið 2027.  Skipt var um gler, glugga og útihurðir árið 2026.

Lóðin er fullfrágengin, malbikuð og með fjölda bílastæða. 

Úrdráttur úr fundargerð aðalfundar húsfélagsins frá 2026 er hér:
Búið að fara vel yfir brunamálin, frestur frá Slökkviliði er út júlí til að ganga frá samtengdu brunakerfi. Beðið eftir íhlutum í kerfið frá Úkraínu en búið að taka tilboði.
Formaður fór yfir stöðu mál varðandi íbúðir í húsinu. Klárt bann er við að búa í húsnæðinu en ekki gerð athugasemd við að eigendur búi sjálfir þar ef brunavarnir eru fullnægjandi og það eru ekki börn á heimilinu. Bannað að leigja út íbúðarými.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is