Kollsstaðagerði

INNI fasteignasala kynnir í einkasölu jörðina Kollsstaðagerði, 701 Egilsstaðir, fastanúmer 217-5386 ásamt öllu því sem eigninni fylgir.
Um er að ræða um 450-500 ha jörð sem er í aðeins 2 km fjarlægð frá þéttbýlinu á Egilsstöðum. 
Jörðin liggur rétt innan þéttbýlisins á Egilsstöðum, ofan vegar inn Vellina og nær yfir Egilsstaðaháls að Eyvindará í austri. Á jörðinni er einbýlishús byggt 1953 sem haldið hefur verið vel við og gripahús frá 1966 (braggahús). Ræktað land er skráð 11,7 ha. 
Kollsstaðagerðis er fyrst getið í Jarðabók árið 1652, sem hjábýli en hún hefur einnig beina tengingu við atburði Íslendingasagna. Heimildir eru um búsetu á jörðinni frá 1780. 
Einstök staðsetning með legu nálægt samgönguleiðum til Djúpavogs, niður á austfirði, til Akureyrar og að alþjóðaflugvellinum á Egilsstöðum og ferjuhöfninni á Seyðisfirði svo eitthvað sé nefnt. Fallegt útsýni er víða af jörðinni og fjölbreytt gróðurfar með miklu fuglalífi tengt m.a. tjörnum á jörðinnni. Eyvindará hefur verið nýtt til hlunninda og hér áður til ferðaþjónustu (river rafting). 

Nálægð jarðarinnar við ört vaxandi þéttbýli Egilsstaða, sem er stærsti byggðakjarni Austurlands, felur í sér einstök tækifæri í nýtingu þessa svæðis, sem liggur á milli mikillar og vaxandi sumarbústaða- og heilsársbyggðar og Egilsstaða. 

Nánari upplýsingar á skrifstofu INNI fasteignasölu, 580 7905.